(دن نیوز) امریکی ٹی وی شخصیت ٹیلر فرینکی پال نے اپنی ساتھی اداکارہ میکایلا میتھیوز کے ساتھ حالیہ تنازع کے بعد ناقدین کو جواب دیتے ہوئے ایک سخت بیان جاری کیا ہے جس نے سوشل میڈیا پر نئی بحث چھیڑ دی ہے رپورٹس کے مطابق یہ تنازع اس وقت شدت اختیار کر گیا جب ٹیلر فرینکی پال نے مدرز ڈے کے موقع پر ایک مبہم پیغام شیئر کیا جس میں انہوں نے بعض افراد کو سانپ جیسا دوست قرار دیا جس پر صارفین کی جانب سے شدید ردعمل سامنے آیا اس کے بعد انہوں نے اپنے مؤقف کی وضاحت کرتے ہوئے کہا کہ انہوں نے ایک ماہر نفسیات اور اپنے کوچ سے مشاورت کی ہے اور پیشہ ور افراد کی رائے ان کے لیے زیادہ اہم ہے بنسبت ان لوگوں کے جو بغیر مکمل معلومات کے سوشل میڈیا پر تبصرے کر رہے ہیں انہوں نے مزید کہا کہ مختلف ماہرین کی جانب سے ان کی صورتحال پر کیے گئے تجزیے ان کے لیے حوصلہ افزا ہیں ٹیلر فرینکی پال نے اپنے حالیہ قانونی اور ذاتی معاملات کے دوران حمایت کرنے والوں کا بھی شکریہ ادا کیا اور بتایا کہ ان کے سابق ساتھی کے ساتھ ایک کیس کے دوران انہیں اپنے بیٹے کی عارضی تحویل سے بھی محروم ہونا پڑا تاہم بعد ازاں متعلقہ حکام نے اس کیس کو خارج کر دیا اور کسی قسم کی فرد جرم عائد نہیں کی گئی انہوں نے کہا کہ انہیں ملک بھر سے مصنفین معالجین وکلا اور دیگر افراد کی جانب سے بھرپور حمایت ملی تنازع کی ابتدا اس وقت ہوئی جب میکایلا میتھیوز نے عوامی طور پر ٹیلر سے فاصلہ اختیار کرنے کا اعلان کیا جس کے بعد دونوں کے درمیان اختلافات نمایاں ہو گئے جبکہ ٹیلر کی جانب سے سوشل میڈیا پر دیے گئے بیان نے اس معاملے کو مزید نمایاں کر دیا ہے
